தேவையான பொருட்கள் :

வாழைக்காய் - 1
உருளைக் கிழங்கு - 2
பச்சை மிளகாய் - 2
இஞ்சித் துருவல் - அரை ஸ்பூன்
தனியாத் தூள் - 1 ஸ்பூன்,
ஆம்சூர் பவுடர் - அரை ஸ்பூன்
பெரிய வெங்காயம் - 2
பிரெட் தூள் - கால் கப்
உப்பு, எண்ணெய் - தேவையான அளவு,
கொத்தமல்லி - சிறிதளவு

கிரேவிக்கு

எண்ணெய் - 3 ஸ்பூன்
பட்டை - 2 சிறிய துண்டு
நறுக்கிய வெங்காயம் - 2
தக்காளி - 2  
 மிளகாய்த் தூள் - 1 ஸ்பூன்
 தனியாத் தூள் - 1 ஸ்பூன்
சீரகத் தூள் - அரை ஸ்பூன்
மஞ்சள் தூள் - அரை ஸ்பூன்
 கரம் மசாலாத் தூள் - கால் ஸ்பூன்
உப்பு - தேவையான அளவு
முந்திரி - 10
வெண்ணெய் - 1 ஸ்பூன்
கொத்தமல்லி - சிறிதளவு

செய்முறை :

தக்காளி, வெங்காயம், கொத்தமல்லியை பொடியாக நறுக்கி கொள்ளவும்.

வாழைக்காயைத் தோலுடன் இரண்டாக அரிந்து உப்பு போட்டு வேகவைத்துக்கொள்ளுங்கள்.

உருளைக்கிழங்கையும் வேகவைத்துக்கொள்ளுங்கள்.

வேகவைத்து எடுத்த வாழைக்காயையும் உருளைக்கிழங்கையும் தோல் உரித்துத் தேவையான அளவு உப்பு போட்டு மசித்து வைத்துக்கொள்ளுங்கள்.

மசித்தவற்றுடன் அதனுடன் பச்சை மிளகாய், இஞ்சித் துருவல், வெங்காயம், [பாட்டி மசாலா] தனியாத் தூள், ஆம்சூர் பவுடர், பிரெட் தூள் ஆகியவற்றைச் சேர்த்துப் பிசைந்துகொள்ளுங்கள்.


கடாயில் எண்ணெய் ஊற்றிச் சூடானதும் பிசைந்து வைத்துள்ள கலவையை உருண்டைகளாக பிடித்து போட்டு பொன்னிறமாக பொரித்து கொள்ளவும்.

முந்திரியைப் பத்து நிமிடம் தண்ணீரில் ஊறவையுங்கள். அதனுடன் தக்காளியைச் சேர்த்துக் கெட்டியாக அரைத்துக்கொள்ளுங்கள்.

கடாயில் இரண்டு டேபிள் ஸ்பூன் எண்ணெய் விட்டு பட்டை, நறுக்கிய வெங்காயம், பச்சை மிளகாய் சேர்த்து நன்றாக வதக்கிக்கொள்ளுங்கள்.

வெங்காயம் நன்றாக வதங்கியதும் அதில்  அனைத்து  மசாலா  தூள்கழளயும்  ஆகியவற்றைச் சேர்த்து வதக்குங்கள்.
அடுத்து அதில் அரைத்த விழுதைச் சேர்த்து நன்றாகக் கொதிக்கவிடுங்கள்.

கிரேவி கெட்டியாக வந்ததும் அதன் மேல் வெண்ணெய், கொத்தமல்லி சேர்த்தால் கோப்தாவுக்கான கிரேவி தயார்.

பொரித்த கோப்தா உருண்டைகளை கிரேவியில் சேர்த்து நன்றாக ஊறியதும் பரிமாறலாம். சூப்பரான வாழைக்காய் கோப்தா ரெடி.